النشرة الجوية الشعر الحلمنتيشي

[b]*فى يوم قعدت اتفرج ع النشره الجويه
وسمعتهم بيقولوا أن النهارده ليله فعلا شتويه
قولت يا ربى ده أنا مشغوله ولازم أروح الحلميه
رايحه عند خالتى عشان جوزها رجع م السفريه
غيرت هدومى ولبست لبس تقيل زى البطانيه
وقولت ياريت الناس تكون اتفرجت ع النشره الجويه
عشان تاخد احتياطاتها من طقيه وكوفيه
نزلت حتيتى اللى هى المطريه

وبدأت امشى.....

وغن أنا أشوف بنى ىدم لابس هدوم شتويه
واللهى أبدا ملأتشى...
كنت شبه الطرشه ف أى زفه معديه!!!
والناس بتبصلى وتقول يا حول الله :هى دى موضه شبابيه!!

اتارى الجو حرّ والشمس حاميه هتجيبلى حميه
ومن ورايا طفل ضغير بيقول:...
إيه يا حاجه الغباوه ديه؟!!
أتاريه لابس قط وشورت وأنا لابسه شبه بطانيه

كملت طريقى وخدت تريئه بالهبل
وأتمنيت إنى اكون مختفيه
الجو نار...وعقلى طارت منه الأفكار
رحت قلعت البالطو ومسكته ف إيديه
وماشيه والناس عماله تبص ليا
طب هما مالهم بيا
المهم..غيرت طريقى
قولت اروح البيت وألبس هدوم صيفيه

وصلت بيتى ولقيت التلفزيون مفتوح على قناه النشره الجويه
اصل انا نسيت أقفله ياعينى عليه
جريت عليه وكلى غلّ وكان نفسى أكوت البنت الحراميه
آل تقول جو بارد وليله شتويه
والشمس بره حاميه محميه
بصيت ف التلفزيون ودعكت عنيه
عايزين تعرفوا ليه؟!!!
آتارينى مشغل قناه مش مصريه
وفيها شفت النشره الجويه


ومن ساعتها مليش دعوه بحاله الجو
اصلها مش عندى قضيه
جو حرّ جو برد هى هيه
بلا نشره بلا زفت ....
ده انا خت كلام خلانى ف هدومى مستخبيه
دى غلطتى أنا....
مع إنى واللهى أول مرة اشوف النشره الجويه!!![/b]