من الشعر الحلمنتيشي

[ندعوك للتسجيل في المنتدى أو التعريف بنفسك لمعاينة هذه الصورة]

وفى الصبح العصافير بتزقزق على الشجر
والكائنات الفضائية بتتخانق على القمر

والبشر مزحومين فى ميكروباص بشر

وزحل والمشترى عاملين فيها فتوات الكواكب

وبيرقصوا على موسيقى شعبى والدرمز فيها غالب..

والكائنات الفضائية عنيهم دايما على الكورة الارضية

والست زكية من خمسين سنة عاملولها اعلان عن المية

ومفيش فايدة لسة سايبة الحنفية

.................

والقطرا لسة بتدخل فى بعضها

والقمر والشمس

يوماتى يمضوا فى كشوف الحضور والانصراف

ولسة ابو علاء فى شرم بيخاف

يتحاكم ولا "خلفتة"تتعدم

ما كان يوماتى مع المشترى وزحل بيترسم

بس ضحكوا علية وخلعوا

...............

ياللى مصدق الزمان

الزمان درفتين شيش

حبة ريح تقوى عليهم

يباتوا يصبحوا على مفيش

واقف فى طابور العيش

تتعلم فلسفة الانتظار..

......................

وشوف كام كائن فضائى

مات على ايد البشر العظام

فى الافلام التمام

لكن تعمل اية

فى الكائنات المخابيل

لسة بيخططوا

يقلبوا نهار الكرة الارضية ليل

...............

شباب التحرير...تحرير

ولسة الكائنات الفضائية

مصرة على التدمير

بالليزر ولا بالطوب

وياغالب يامغلوب

يابالمركوب..هتدوب

................

"قصة"

واحد كابتشينو هنا ياعبد الفتاح"

وعبد الفتاح مجدع صعيدى نزل يشتغل يجيب لعايلتة الارتياح

وولاد اللذينه الآية

قافلولة الكافية

بحجة انة محصلش على شهادة بوفية

ورخصة دولية فى الكابتشينو ياعنية

والواد مجدع نزل التحرير

وجاب بايدية رخصتة

فتح الكافية

ووقفوا الناس طوابير

يشربوها زيادة على روح ولاد اللذينه الآية.."

..........................

اللى كان بية مااصبحش بية

واللى معاة كارنية

يدوبك يخش بية مجرة الهلوهلو

ويستقبلوة ويجيبلوة

محلول الضحك على الدقون..

..................

يابشر حاكمين بشر قريتو كام

(افلا تتذكرون)

اومال لية عايشنها

تنسون

تلعبون

تسرقون

حتى تتدحرجون

على سلم الشعوب

فتنكسرون...

................

العصافير لسة بتزقزق

والكائنات الفضائية

لسة عاوزة تلحق

حتى من الارض

وشباب التحرير..تحرير

وزحل والمشترى

فى يوم هيبقوا ورا

لما نطلع طلعة رجل واحد

ونكسر التليفون الصينى

اللى موسقتة الشعبية المهلبية

قلبت دماغ المجرة...

حلو كتير هههه يسلموووو

كتيييير رائع وحلوووو سلمت يداك اخي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هههههههه

كتير حلو

يسلموووووووووووووووووو الايادة

» النشرة الجوية الشعر الحلمنتيشي
» من بحر الشعر
» ابدع في ... قـُل حكمة ، مثل ، او بيت من الشعر
» الاستفادة والمعرفة عن تساقط الشعر
» اسباب سقوط الشعر وعلاجه