بِدنا نحرّر فلسطين !!!!! - باللّهجَة العامّيّة ...

بِدنا نحرّر فلسطين !!!!! - باللّهجَة العامّيّة ...

بدنا نحرّر فلسطين
كلمة بنسمَعها من سنين
من أيّام جدّي وجدّك
وهالجيوش ما بتتحَرّك
لا شمال ولا يَمين
وبِدها تحرّر فلسطين !!!
*************
كل يوم بطلع زعيم مخَربَط
مرّة بخطُب ومرّة بعيِّط !
بِدّو يحرر
بدّو يدمّر
ومرة بهدّد
ومرة بندّد
ومرّة ببكي بدمع العين
بِدّو يحرر فلسطين !!
***************
وبيجي عريس الغفلة اسم الله
ومن العين حوَّطْتو بالله
بِجوِّع شعبُه
وبِحرق قلبُه
وبِرميهم بالزنازين
بدّو يحرر فلسطين !!
**************
إِلْكُم الله يا مساكين
إِلْكم الله يا لاجئين
الزعيم اللي شفتوه
والبَطَل اللي سمعتوه
طِلِع شارب له كاسين
وبِدّو يحرر فلسطين !!!!!!!!!!!!!

موضوع رائع

ولهجة اروع لفلسطيننا الاجمل

موضوووع بجنن مافي زي اللهجه تبعتنا

يسلموو

ان شاء الله بتتحرر بلدنا من الصهاينة

تئبل مروري

شيء محزن

» كانت تسمى فلسطين صارت تسمى فلسطين
» شمس فلسطين
» انا ابن فلسطين
» حال فلسطين
» بحبــــــــــــــــــــــــــــــــــك يا فلسطين