حوار بين ام وابنها طالب توجيهي!!

حوار بين ام وابنها طالب توجيهي!!

الأم: ليش طالع من غرفتك ليش ما عم تدرس

الإبن يا ماما هلا اطلعت !!

الأم: كيف هلا اطلعت وصار لك ساعتين بتتمشى في البيت ؟؟ ادخل أدرس!!

الإبن : لا والله هلا اطلعت بس رحت على الحمام وبعدين رجعت.. .. وبدي أعرف شو طابخه؟؟

الأم : فوت أدرس ولما يجهز الغدا بناديك.. .. ..

يدخل الإبن على الغرفه وبعد دقيقتين بطلع من الغرفه !!.. ..

الأم : لك شو مالك انضب في الغرفه فوت أدرس. . .

الإبن : يا ماما درست كثير واطلعت أغير جو. . .

الأم : طيب ماشي بدك تغير جو روح على الدكانه جيب علبة لبن بس من شااااان الله ما تطول بدي أحط الغدا عشان تتغدى وتفوت تدرس.. ..

بطلع الإبن وبكون لابس شحاطة أمه وشورت وبلوزه خفيفه وشعره منكوش ولحيته طويله عشان كتير مشغول بالدراسه ومش فاضي يحلق !!!! الإبن بشتري علبة لبن وسيجارتين فرط من الدكان وبلاقي صحابه قاعدين عند الدكان وبقعد ساعه معهم بدخن ويحكو بكل الأمور عدا الدراسة!!!

ولما يرجع على البيت بلاقي أمه معصبه وبتستقبلو بكورس مشكل من البهادل: لك ببعتك على الدكان ابتقعد ساعة لك ما حتخلص التوجيهي غير لما اتخلص علي .. .. لك قصرتلي عمري بهالسنه والأكل برد .. وبدي تتغدى عشان تدرس..

الإبن : يا ماما ما لقيت في هاي الدكان فرحت على الدكانه الحارة الثانيه .. !!!!
وبعد نقاش عنيف تقتنع الأم ولما يمر من جنب الأم: تعال هون ليش ريحتك دخان

الإبن : يا ماما كنت بالدكان وكل الي في الدكان كانوا يدخنوا !!!!

بعد الغدا الأم : يا ماما الله يرضى عليك قوم أدرس الإبن بصوت عالي : وبعدين معك انا كل ما تشوفيني قاعد بتحكيلي قوم أدرس هلا مين التوجيهي أنا ولا إنتي .. يعني مصلحتي أنا يعني أنا بدي ... !!!

يقاطع كلام الإبن بضربه صاروخيه من الأم بشحاطه باتجاه الابن الذي يهرب بسرعة إلى غرفته...

بعد ربع ساعه الأم ابتعمل شاي وبتفوت على غرفته بتلاقيه قاعد بتأمل بالحيطان.....

هههههههههههههههههه منيح مضى التوجيهي تبعي على خير

الله ينجحهم كلهم يااارب وما يضيع تعب لحد ياااااارب

كتييير حلووووة تسلم ايديك اخي ملك رااااااائع

[size=25]بكل ماخطه حرفك

وبكل ماجمعه فكرك

تبقى مميز

ثق بأني أستمتعت كثيرا من بين السطور

[/size]

ههههههههه حلوة كتير وهاي حكاية ماما واخي

ههههههههههههه يسلمو حلوه

» من الاخر توجيهي
» في بيتنا توجيهي
» حوار بين لابتوبين
» طالب مجتهد شوفوا هيك الاجتهاد ولا بلاش
» طالب ترك ورقه امتحانه خاليه ونجح