من يشعل النار في صدري ويدفأ بي..

من يشعل آلنآر في صدري ويدفآ بي

يشعل آلنآر صدري ويدفآ




في داخلي جمـر لكـن مـا يدفينـي
من يشعل النار في صدري ويدفابي !!

من يجمع الغيـم بين ايديه ويسقينـي
واصب عيني لعينه واحطب اهدابـي

من ياخذ النوم من جفني ويسرينـي
ويعلق الصبح قبل اصحى على بابي!!

تعبت اوطّن بقلبي شخـص ينفينـي
تعبت اهجّر حمامِ(ن) حَـبْ محرابـي !!

تعبت اقطّف حروفي مـن بساتينـي
والناس تُعجب وانا مانلت اعجابي !!

يا اول الحب وينـك او انـا وينـي
تغيب عني كأنـك تعلـن اغيابـي !!

من غبت عني وانا والله مـا ابينـي
ضيّـقت خِلقي وضاقت فيني اثيابي !!

اعد عمري الحقيقي واحسب سنينـي
لقيت عمري معك ما جاوز اتعابي !!

طلبت قلبي وقلت ابشر ومـن عينـي
واعطيتك اللي تبيه وقلت بسبابـي :

يبذربي الحب من صغـره ويجنينـي
الين شفتك زرعت الموت بترابـي !!

حُريّتي معك ! لكـن عطنـي ايدينـي
اخفي بها حزن متسلط(ن) بهدابـي !!

محتاج انـام ودخيلـك لا تصحينـي
الا على انفاسك آللي تشبه اطيابـي



مما راق لي