طب الجرة على تمها بتطلع البنت لإمهاا..

صحيح
انه هاد متل قديم كتير بس كتير بتصير فصول ناقصة وكل يوم احدث من التاني
وهاد اذا دل على شي ، بدل على انه المثل رح يضل لكل زمان ومكان ومستحيل
تبطل موضة الامثال وصار فصل ناقص وكتير حلو لدرجة اول مااجا ببالي اجا
عبالي المتل الي شايفينه فوق واسمعوني احكيلكم القصة....................

فاتت
الام للبيت وبلشت تسولف مع البابا بتحكيله شو صار معها بالدوام وبلشت من
وقت مافاتت للدوام بالتفصيل، لوقت ماروحت للبيت، والله تعبت من الدوام
وماهديت طول نهار يازلمة كل النهار تلفونات ومقابلات وعروض اسعار وهاد غاب
وهاد اخد مغادرة وبعدين روحت للبيت،، وعينك ماتشوف الولاد جننوني ,البيت
قايم ومو قاعد وضبيت الكراكيب، وفتت للمطبخ طبخت وجهزت الغدا،وبلا طول
سيرة الخخخخخخخخخخخخخخ، طبعا الاْب المسكين آعد عم يسمع مغلوب على أمره
ومو آدر يحكي غير يعطيك العافية والله ماقصرتي والله بتتعبي الله يهدي
بالك ويهدي لسانك كمان
.................................................

بعد
شوي اجت البنت بتقول لامها ماما : رحت للمدرسة وسمعت دروسي وحتى انه
المعلمة بعتتني للمديرة اد ماني شاطرة وطلعنا على الفرصة وحتى كل البنات
غاروا مني وسألوني شو حكتلك المديرة بس طبعا ياماما انا ماحكيتلهم متل
ماعلمتنيني مشان مايصيبوني بالعين، وحتى ياماما ضليتني ادرس بالفرصة مشان
اخد أعلى علامة بحصة الانكليزي ، وبالفعل ياماما اخدت أعلى العلامات
ولما جينا نروح للبيت انا وصاحباتي ،حكولي امشي معنا نتمشى شوي قبل
مانروح للبيت بس انا رفضت لانه انتي مابترضي،وكمان بلاطول سيرة
الخخخخخخخخخخخخخخخخخخ....

وهون
انفجرت الام معصبة وقالتلها لبنتها :مشان الله تسكتي شوي شو بالعة راديو
من اول مافتي البيت مافات لسانك لحلقك، ولك لمين طالعة بس بدي افهم
والله مافي حدا لابعيلتي ولابعيلة ابوك بسولف ادك ............ وهون اجا
الاب المسكين المغلوب على امره ولاول مرة لسانه ماصانه وحكى الحقيقة
وقلها لمرته : احكي هالحكي لحالك مدام قال شو لمين طالعة ؟ واذا انتي مو
متحملة بنتك الي خلفتيها وبتحكيلها لمين طالعة ها، الله يعيني انا الي
متحمل سواليفك خمس تعشر سنة ... و قال شو يا ناس لمين طالعة, يا ناس
احكولها المثل شكلها مو سامعتو .... طب الجرةعلى تمها بتطلع البنت لامها
.... والله يعينا على قول الحقيقة

بس
اظن او اكيد يوميتها الرجال المسكين مانام بالبيت اكيد نام عند امه مو
مشان شي لاء بس لانها مرته قالتله حبيبي زمان مازرت امك مشان صلة
الرحم..................
ههههههههههههههههههههههههه

هههههههههههههههههههه.
لا تعليق يا ملك

حلو منك يا ملك
عيدها مرة تانية
او بعد ما تتزوج على شان تصل رحمك
هههههههههههههههههههههههههه

هههههههههه

شو مالكم اخواني
وصل الرحم اكيد لازم يكون
ما تكتروا حكي

الله يعترك بوحده تضبك يا ملك

احلا اعضاء
كل الشكر والامتنان لردودكم الرائعة

» &&البنت الفلسطينيه&&
» صفات البنت الفلسطينيه
» مصيبه البنت مع امها
» ولد يستهبل على بنت طلعت البنت اهبل منه
» آلفرق بين البنت و الموبآيل