يوميات موظف
يصحى من النجمه يوقف فى طابور ما لوش أخر
يزق ده وده ومكانه ذى كل يوم برضه فى الاخر
دول كلهم رغيفين من دقيق أسود بلدى حتى ما فاخر
آ
أخر ما يزهق يروح على شغله ويدبها يامين ما فاطر
يقف ساعه فى الشارع مستنى الاتوبيس
ماجاش يتأجر من مرتبه ميكروباص سرفيس
يدخل المكتب يسأله المدير أتأخرت ليه ياعريس؟
يبلع الكامتين منه ولو سألته على الباب قال لك أيه؟
يقول لك والله ما فاكر!
يقعد على مكتب قصاده شوية ورق ودوسيهات
يجيه الزبون والروتين طالب منه يلعبه التعلب فات
يدوب يخلص ورق الزبون من فرحته تلقوه مات
ويخلص اليوم وهو قاعد فى وسط الدفاتر
يرجع البيت زهقان مش طايق يكلم حد
مراته تقول له هات وولاده وهو بس شغال عد
يخلص المرتب ويحس الدنيا قدام منه سد
وبعدين زى كل شهر يستلف من حد قاد
الإثنين 05 نوفمبر 2018, 3:35 pm من طرف محمد الشاذلى
