حنين المهاجر

[center-تغالب عينيك دمعه

اشح قلبك من جوه الجوف
تبق من جبينك شمعه
تنور ظلامات الخوف
تبحلق تشوف الروعة
اشعلك كل اللهب الليطوف
تسارع زى المسبوق ركعه
وماتدرك اخر الصفوف
تتور ليالى الهجعه
تجمع معاك كل الحروف
لا بتقدر توارى اللوعه
لا بتقدر يلاحق كتوف
ما اصلو القمر فى الطلعه
ما انوبك غير النظر والشوف
ما قالوا الجمال لمحة
يافارس ياما انكسرت سيوف
يا بلدنا راجعنلك رجعه
نلقى تحنانك نتحدى الظروف
على كل بحبك طبعه
طايفنبو حبك فى المهاجر طوف
غارسنو فى القلوب زرعه
يخضر سماوات البلد الولوف
واحومك فى القليب مرتع
وادسك فى العيون شوف
وتانى كان اتعمدت منك اطلع
امحينى من كل الكشوف

[/center]

ما هذا النزف

وهذه اللكمات القاسية

ابن الخليل

الوطن لا ينسى

ربنا يفرج عن الجميع

وان شاءالله الاوطان بتعود لاهلها

مشكور ابن الخليل على جهودك