فلسطيني ممنوع تعيش "قصيدة رائعة جدا"

فلسطيني ممنوع تعيش
قالولك أسكت متحكيش
انت خلقت للتلطيش
للحواجز للمصايب للتفتيش
**
كتبو ع جبينك ينداس
من الضابط حتى الشاويش
فلسطيني وممنوع تثور
ومش مسموح تكون منصور
اياك تطالب في حقك
اوعى في يوم تشوف النور
ممنوع تجدد هوية
ممنوع تجدد باسبور
**
فلسطيني وبدك تتعلم
هي شغلى ضد الدستور
فلسطيني ولازم تتألم
من دون ما يشوفك دكتور
فلسطيني ممنوع تتظلم
ولا يطلع بجناحك ريش
فلسطيني ممنوع تعيش
**



فلسطيني وين فيه سفريات
إسمك بالأحمر مكتوب
وع شباك مصلحة الجوازات
كتبو ع جبينك مطلوب
لازم تتوقف ساعات
مذنب أو من دون ذنوب
ويتوجهلك اتهامات
انك سبب كل الحروب
قال بسببك الحق مات
والعدل بوطنك مسلوب
وكأنك سبب كل النكسات
وكل أزمات الشعوب
وكأنو بسببك محتل فات
ع الأقصى في لحظة الغروب
ودبح صبيان وبنات
وعجز على أمرها مغلوب
فلسطيني ممنوع تعيش
هادي دنيا بس للخفافيش
**



بدك تشوف همنا هموم
تابع كل شي عنا قبل النوم
مذيع معصب وكلو هموم
نبأ عاجل يا أهل الله
هدو بيوت برام الله
حكامنا قامو اسم الله
بتصلو في بوش يقوم
وبسيفو يحمي المظلوم
حكامنا اتصلو في كوفي عنان
قالولو يا خينا الإسلام انهان
ان كان لك فوتة ع الأمريكان
والك منا كم خزان
حكامنا اتصلو بجاك شيراك
قالولو يا خينا ما إلنا سواك
ان كانلك فوتة عطوني بلير
يمكن تقنعو يقنع بابا
بلكن بابا بيقنع موسكو
بلكن موسكو بتقنع بوش
بلكن بوش بيقنع أولمرت
وتردو الأقصى لصحابو
وتحمو الشعب الغلبان
نبأ عاااجل يا أهل الله
حكامنا العوض على الله
**


وحدتنا يا ناس أصبحت فضائيات
الف دش فوق روسنا ضاوي
شو يفيد البث الحي لشعب مات
وبالف تلفزيون شو يساوي
قضيتنا أصبحت عربسات
ونشيد الوطن اتحول غناوي
واذا مش عاجبك هالمحطة
حول ع النايلسات
حتى تسمع للسيد مكاوي
اصلو الوطن اتحول محطات
وصارت كرامتنا فتاوي
يا وطن مسجون جوة الشاشات
عم تبكي وصوتك في الفضا داوي
اهلك من النيل حتى الفرات
متلك مساجين بس بقهاوي
**


فيا خوفي من الحجة الجاي
تكون الحجة صعبة
وبحجة مكافحة الارهاب
يحطو حارس ع الكعبة
ويصيرو يصفونا صفوف
ونوخد إذن حتى نطوف
ويحققو مع كل خروف
رايح يندبح ضحية
**
وبوش يصدر قانون
ممضي من البنتاجون
اللي بيرجم إبليس الملعون
بيكون ضد النازهية
ونصير نطلع على عرفات
واحد واحد مش دفعات
ونوخد ليستا بالدعوات
من البيت الأبيض ممضية
وبوش يقدم إحتجاجات
يطالب بأضحية الحجاج
تكون تمن للأبراج
اللي وقعت بالصيفية
امتنا في مبنى الإنعاش